Теория:
Стыль — гэта сукупнасць сродкаў мовы, а таксама спосабаў і прыёмаў іх выкарыстання ў адпаведнасці з разнастайнымі сітуацыямі маўлення.
Сярод стыляў вызначаюцца кніжныя (навуковы, публіцыстычны, афіцыйна-дзелавы), гутарковы і мастацкі.
АФІЦЫЙНА-ДЗЕЛАВЫ СТЫЛЬ
Асноўная функцыя: выкарыстоўваецца для наладжвання зносін у афіцыйных сферах (заканадаўства, справаводства, дзелавая перапіска і інш.).
Жанры: закон, пастанова, пагадненне, мемарандум, дамова, заява, аб’ява, інструкцыя, правілы наведвання і карыстання чым-небудзь, аўтабіяграфія, стэнаграма афіцыйнага выступлення і інш.
Прыкметы: афіцыйнасць, неэмацыянальнасць, канкрэтнасць, дакладнасць, тэксты маюць пэўную (часам дастаткова строгую) форму афармлення.
Асаблівасці мовы:
- словы, якія абазначаюць назвы разнастайных афіцыйных дзелавых папер (заява, загад і інш.);
- выразы-штампы (прыняць да ведама, зачытаць парадак пасяджэння, заслухаць і абмеркаваць, вызначыць парадак выступлення і інш.);
- канцылярызмы, г. зн. словы спецыфічнай сферы чалавечай жыццядзейнасці — справаводства (прашу дазволіць, накіроўваем на дадатковы разгляд, ніжэйпадпісаны і інш.);
тэксты насычаны назоўнікамі і прыметнікамі; - наяўнасць спасылак на афіцыйныя дакументы, выказванні аўтарытэтных асоб, статыстычныя дадзеныя;
- ужыванне няклічных, а таксама складаных сказаў.