Теория:
Дзеепрыметнікі змяняюцца так, як і прыметнікі, па родах, ліках і склонах, маюць такія самыя канчаткі, як і прыметнікі з асновай на цвёрды (напрыклад, родны) і зацвярдзелы (напрыклад, мокры) зычныя.
Параўнай!
Назоўны склон:
квітнеючы родны горад (м.р.)
пасівелая родная бабуля (ж.р.)
зжатае роднае поле (н.р.)
намаляваныя родныя краявіды (мн.л.)
Родны склон:
квітнеючага роднага горада (м.р.)
пасівелай роднай бабулі (ж.р.)
зжатага роднага поля (н.р.)
намаляваных родных краявідаў (мн.л.)
Давальны склон:
квітнеючаму роднаму гораду (м.р.)
пасівелай роднай бабулі (ж.р.)
зжатаму роднаму полю (н.р.)
намаляваным родным краявідам (мн.л.)
Вінавальны склон:
квітнеючы родны горад (м.р.)
пасівелую родную бабулю (ж.р.)
зжатае роднае поле (н.р.)
намаляваныя родныя краявіды (мн.л.)
Творны склон:
квітнеючым родным горадам (м.р.)
пасівелай роднай бабуляй (ж.р.)
зжатым родным полем (н.р.)
намаляванымі роднымі краявідамі (мн.л.)
Месны слон:
у квітнеючым родным горадзе (м.р.)
пры пасівелай роднай бабулі (ж.р.)
у зжатым родным полі (н.р.)
аб намаляваных родных краявідах (мн.л.)
Склон, лік і род дзеепрыметніка вызначаецца па назоўніку (займенніку), які ён паясняе.
Прыклад:
Я мімаволі залюбаваўся ўкрытымі шэранню дрэвамі. — Дзеепрыметнік укрытымі паясняе назоўнік дрэвамі, які стаіць у форме творнага склону, множнага ліку. Значыць, дзеепрыметнік стаіць у той жа форме творнага склону, множнага ліку.